parlimentary

by richard Zatu

Kawl ram independence kan hmuh ni January 4, 1948 in Gen Ne Win nih uknak alaak ni March 2, 1962 tiang kha Parliamentary Democracy chan ka timi cu asi. Kha lioah Parliament pahnih aum i Chamber of Deputies le Chamber of Nationalities ti an si. Chin Special Division in Chamber of Deputies ah paruk Chamjber of Nationalities ah pariat, aphun hnih fonh ah Member of Parliament 14 an um.
kha Lairam MP 14 kha chin affairs Council ti asi i Lairam an uk i Lairam caah upadi anser. Cu chung in Minister for chin affairs, Parliamentary Secretary ke chairman le member thim asi. Cu hna cu an mah 14 chung in anmah tein Prime Minister hnatlakpinak aherh. MP tam deuh ahmumi nih me tamdeuh a neih caah 14 chungah party pakhat maw party pahnih ai fonmi ih maw zatceo nak tamdeuh hmun a neih ah cun anmah nih cozah an tlaih khawh. 14 chungah zatceo nak tamdeuh si awk ah 8 tal si ahau. Cu hna chungin acunglei upa kha thim ansi.
Cu lioah U Nu le Thakhin Tin hruaimi Thantsin Pasabala le U Ba Swe le U kyaw Nyein hruaimi Timye Pasabala tiah Party nganpipi pahnih le party dang dang an um. Lairam in Thantsin cu Za hre Lian te No Zam te pawl an si. Timye cu Ro Thang te Ral Hmung te pawl ansi. Cun Lairam ah Chin National Organization timi party aum ve i Capt Mang Tung Nung te Hrang Nawl te pawl an si.
1959 Gen Ne Win nih caretaker Goverment ah Prime Minister atuan lioah Zahre Lian kha Lai vuanci asi . Thantsin party in Thang Lian nih Lai vuanci si aduh caah Timye ah ai Thial i Timye ah MP an tamdeuh cang i vuanci atuan . Thlaruk atuan hnu ah Zahre Lian nih Ral Hmung kha Thang Lian vuanci cuh law Thantsin nih me kan in peek lai ati i Ral Hmung nih vuanci atuan. Ral hmung nih ning cang loin Hakha ah Myodaw athial caah Ne Win nih vuanci in aphuah. Cun thang Sun nin hong ka cuh hlah law vuanthok kan peek lai nati na ka pee tung lo tiin Ral Hmung cu taza a cuai i Ral Hmung cu Mp zong in an phuah. Cuhnu ah Zahre Lian vuanci asi than 1960 thimnak ah Tiddim in CNO nih ahmun thum ning in MP an hmuh i bawi rian dang vialte kha an tlaih. Ral HMung nih a lawnter mi hmun in 1961 ah Hrang Nawl ai cuh than i atai caah CNO in MP4 an chuak. Cun CNO nih Lairam cozah an tlai lai maw Capt Mang Tung Nung Chin Vuanci asi lai maw anti lioah Gen Ne Win nih aana ating i lai MP vialte ihphahtom an izual i an tlung .
Chin vuanci cuhchan adong.
atang lei hi 1960
1. Capt Mang Tung Nung ( Tiddim )
2. U son Kho Lian ( tiddim )
3. U Pum Kho Gin ( Tiddim )
4. U Zahre Lian ( Falam )
5. U No Zam ( Falam )
6. U Thang Hlur ( Falam )
7. U Ro Thang ( Hakha)
8. U Ral Hmung /U Hrang Nawl ( Hakha )
9. U Sang Ning ( Matupi )
10. U Mang Tling ( Matupi )
11.U Shein Htang (Mindat )
12. U Tun Aung ( Kampe let )
13. U Htat Hlaing ( Paletwa)
14. U Saw Hla ( paletwa )

ch: Miroling Hrang Nawl cauk ah U lian Bik le Saya Ngun Hre tial mi le Tiddim to Yangon By Col Khen Za Moong . Hi lio ah Thantlang cu Hakha ah ai tel.